Lu mare li gnutte

Lu mare te barche
stìa chinu nna notte
e luce te stiddhe
a ncelu nu nc’era!

Sulu lu chiantu
e li riti te morte
sentì te la gente
ca a mare menara!

Poi cchiu’ veloci
te lampi e saiette
briganti, assassini
li quattru scafisti

mmienzu allu mare
lu largu pigghiara!
Allu scuru sparera
senza bbèssanu isti!

Intantu li iundi
la gente spattia!
Nna mamma allu piettu
la figghia strengia

ma senza rispettu
la morte retia!
Cataveri a fundu…..
“Lu mare gnuttia”!

“Aiutu retànu”…..
nisciunu sentia!
Lu fiatu e la uce
lu ientu sperdia!

Cu l’uecchi te fore
la carne strazzata
cataveri a galla

te gente nfucata….
“lu mare gnuttia”!

A nna stozza te taula
mbrazzati ddò frati
chiamànu lu sire
ca largu nu stia!

Iddhu perieddhu
nu ssape nnatare
li ‘ite nfucare…….
alli figghi nu rria!

Eranu tutti presciati
ormai cucchi alla vita!
La gioia era tanta
ma poi s’ha finita!

Ntra l’acqua rrumane
nna barca scasciata!
La gente ca prima
speranza tenia

cu ttroa n’autra terra
e cu bessa sarvata
sta’ more nfucata
cu atroce angunia!

Su’ bianchi, su’ niuri,
su’ beddhe o su’ brutte
nu tenenu nume
nisciunu le sape……

“lu mare li gnutte”!

Quandu te largu
se ‘ite spuntare
nna luce putente
e nna forte sirena

nu nc’è nienti te fare
pe dh’anime sante
ca ormai propriu tutte….
“LU MARE LE GNUTTE”!